Kamus-ı Muhit - المطر maddesi

اَلْمُمْطِرُ [el-mumṯir] (مُحْسِنٌ [muḩsin] vezninde) ve

اَلْمَاطِرُ [el-mâṯir] ve

اَلْمَطِرُ [el-meṯir] (كَتِفٌ [ketif] vezninde) Yağmurlu güne denir; yukâlu: يَوْمٌ مُمْطِرٌ وَمَاطِرٌ وَمَطِرٌ أَيْ ذُو مَطَرٍ

اَلْمَطْرَةُ [el-maṯret] (تَمْرَةٌ [temret] vezninde) ve

اَلْمَطِرَةُ [el-meṯiret] (كَلِمَةٌ [kelimet] vezninde) ve

اَلْمُطْرُ [el-muṯr] (قُفْلٌ [ḵufl] vezninde) De΄b ve ʹâdet maʹnâsınadır; yukâlu: هَذَا مُطْرُهُ أَيْ عَادَتُهُ

اَلْمَطَرُ [el-meṯar] (fethateynle) Yağmura denir, مَاءُ السَّحَابِ [mâu’s-seḩâb] maʹnâsına; cemʹi أَمْطَارٌ [emṯâr]dır. Ve

مَطَرٌ [Meṯar] Esâmîdendir: Meṯar el-Leyšamp;î ve Meṯar b. Hilâl ve Meṯar b. ʹUkâmis ashâbdandır. Ve Meṯar eṯ-Ṯufâvî ve Meṯar b. Ebî Sâlim ve Meṯar b. ʹAvn ve Meṯar b. Ṯuhmân ve Meṯar b. Meymûn muhaddislerdir.

اَلْمَطْرُ [el-maṯr] (سَطْرٌ [saṯr] vezninde ve fethateynle câ΄izdir) Yağmura uğratmak maʹnâsınadır; yukâlu: مَطَرَتْهُمُ السَّمَاءُ مَطْرًا مِنَ الْبَابِ اْلأَوَّلِ أَيْ أَصَابَتْهُمْ بِالْمَطَرِ Ve bu mâdde hayr ve menfaʹatte müstaʹmel olmakla مَطَرَنِي فُلاَنٌ بِخَيْرٍ derler, أَصَابَنِي بِخَيْرٍ maʹnâsına ve مَا مُطِرَ مِنْهُ خَيْرًا وَبِخَيْرٍ derler, مَا أَصَابَهُ مِنْهُ خَيْرٌ maʹnâsına.

اَلْمُطِرُّ [el-Muṯirr] (مُصِرٌّ [muṡirr] vezninde) Muḣayyel b. Şicne nâm kimsenin feresi ismidir. Ve

مُطِرٌّ [muṯirr] Bilâ-mûcib nâ-becâ olan hışm ve gazaba vasf olur; yukâlu: غَضِبَ عَلَيْنَا غَضَبًا مُطِرًّا أَيْ فِي غَيْرِ مَوْضِعِهِ وَفِيمَا لاَ يُوجِبُهُ

Vankulu Lugatı - المطر maddesi

اَلْمَطَرُ [el-meṯar] (fethateynle) Yağmur, bârân maʹnâsına.

اَلْمَطْرُ [el-maṯr] (mîm’in fethi ve ṯâ’nın sükûnuyla) Yağmur yağmak; yukâlu: مَطَرَتِ السَّمَاءُ تَمْطُرُ مَطَرًا مِنَ الْبَابِ الْأَوَّلِ Ve مَطْرٌ [maṯr] müteʹaddî dahi gelir; yukâlu: مُطِرْنَا عَلَى صِيغَةِ الْمَجْهُولِ

اَلْمُطِرُّ [el-muṯirr] (mîm’in zammı ve ṯâ’nın kesriyle) Nâ-mahal olan gazabdır. Aṡmaʹî eyitti: مُطِرٌّ [muṯirr] şol kimsedir ki nâzlı olup gerden-keş ola; yukâlu: جَاءَ فُلَانٌ مُطِرًّا أَيْ مُسْتَطِيلًا مُدِلًّا