اَلْمُطَّلِبُ [el-Muṯṯalib] (mîm’in zammı ve ṯâ-yı müşeddedenin fethiyle) Esâmîdendir: Muṯṯalib b. ʹAbdullâh b. Ḩanżab ki Maḣzûm kabîlesindendir, tarîk-i ʹIrâḵ’ta vâkiʹ بِئْرُ مُطَّلِبٍ [Bi΄ru Muṯṯalib] dedikleri kuyu ona mensûbdur. Ve ʹAbdulmuṯṯalib b. Hâşim cedd-i Peygamber-i zî-şân’dır, ʹaleyhi’s-salâtu ve’s-selâm; ism-i aslîsi ʹÂmir’dir.
اَلْمُطْلِبُ [el-muṯlib] (مُحْسِنٌ [muḩsin] vezninde) Baʹîd olan merʹâya denir; yukâlu: كَلَأٌ مُطْلِبٌ أَيْ بَعِيدٌ Kezâlik merʹâdan baʹîd olan suya denir; ʹalâ-kavlin merʹâ ile mâ-beyni iki mîl mesâfe yâhûd bir merhale yâhûd iki merhale olan suya denir; yukâlu: مَاءٌ مُطْلِبٌ أَيْ بَعِيدٌ عَنِ الْكَلَإِ أَوْ بَيْنَهُمَا مِيلاَنِ أَوْ يَوْمٌ أَوْ يَوْمَانِ Ve
مُطْلِبٌ [Muṯlib] Esâmîdendir: ʹAlî b. Muṯlib el-Berḵî muhaddisîndendir.
اَلْمُطْلِبُ [el-muṯlib] (mîm’in zammı ve lâm’ın kesriyle) Şol sudur ki baʹîd ola; ve baʹîd olan kele΄de yaʹnî merʹâda ve kele΄in gayrıda dahi istiʹmâl olunur.
Sitemizde detaylı hızlı ve kolay arama ekranı