اَلْهَدْهَدُ [el-hedhed] (غَبْغَبٌ [ġabġab] vezninde) Cinn tâ΄ifesinin asvâtına denir ki cıvıltı taʹbîr olunur. Müfredi mesmûʹ değildir; yukâlu: زَعَمَ أَنَّهُ سَمِعَ هَدْهَدَ الْجِنِّ أَيْ أَصْوَاتَهُ Bunun hakîkatini cinci hâcelerden istimâʹ eylemek lâzımdır.
اَلْهُدْهُدُ [el-hudhud] (hâ’ların zammıyla) Mutlakan karkara eden yaʹnî elhân ve nagamâtla öten kuşa denir. Ve hâssaten maʹrûf kuşun ismidir ki çavuş kuşu ve ibik taʹbîr ettikleridir; هَدْهَدَةٌ [hedhedet]ten me΄hûzdur, ke-mâ se-yuzkeru. Ve ona هُدَهِدٌ [hudehid] dahi denir, عُلَبِطٌ [ʹulebiṯ] vezninde ve هُدَاهِدُ [hudâhid] denir, عُلاَبِطٌ [ʹulâbiṯ] vezninde. Ve
هُدْهُدٌ [hudhud] Kesîrü’l-hedhede olan güvercin kuşuna denir. Bunların cemʹi هَدَاهِدُ [hedâhid] ve هَدَاهِيدُ [hedâhîd] gelir hâ’ların fethiyle.
اَلْهُدْهُدُ [el-hudhud] (hâ’ların zammı ve dâl’ın sükûnuyla) Bir maʹrûf kuşun adıdır.
Sitemizde detaylı hızlı ve kolay arama ekranı