اَلْوَجَرُ [el-vecer] (fethateynle) Bir nesneden belinleyip hazer eylemek maʹnâsınadır; yukâlu: وَجِرَ مِنْهُ وَجَرًا مِنَ الْبَابِ الرَّابِعِ إِذَا أَشْفَقَ
اَلْوَجِرُ [el-vecir] (كَتِفٌ [ketif] vezninde) ve
اَلْأَوْجَرُ [el-evcer] (أَحْمَرُ [aḩmer] vezninde) Maʹnâ-yı mezbûrdan vasflardır. Mü΄ennesinde وَجِرَةٌ [veciret] ve وَجْرَاءُ [vecrâ΄] denir. Cevherî mü΄ennesinde وَجْرَاءُ [vecrâ΄] denmez demekle vehm eylemiştir.
اَلْوَجْرُ [el-vecr] (أَجْرٌ [ecr] vezninde) Ağrısı olan ağza ağız otu dökmek maʹnâsınadır; yukâlu: وَجَرَهُ وَجْرًا كَوَعَدَهُ وَعْدًا إِذَا جَعَلَ الْوَجُورَ فِي فِيهِ Ve
وَجْرٌ [vecr] Dağlarda olan mağara tarzında çatlağa ve şikâfa denir. Ve bir adama hoşlanmadığı söz işittirmek maʹnâsınadır; tekûlu: وَجَرْتُهُ أَجِرُهُ وَجْرًا إِذَا أَسْمَعْتَهُ مَا يَكْرَهُهُ Ve
وَجْرٌ [Vecr] Ece΄ ile Selmâ nâm dağların beyninde bir dağın adıdır. Ve Hecer kazâsında bir karye adıdır.
اَلْوَجَرُ [el-vecer] (fethateynle) Korkmak maʹnâsına; tekûlu: وَجَرْتُ مِنْهُ إِذَا خِفْتَ
Sitemizde detaylı hızlı ve kolay arama ekranı