اَلْمَخْبُوطُ [el-maḣbûṯ] Kış eyyâmında zükâm ʹilletine uğramış adama denir; yukâlu: خُبِطَ الرَّجُلُ عَلَى بِنَاءِ الْمَجْهُولِ فَهُوَ مَخْبُوطٌ إِذَا زُكِمَ فِي فَصْلِ الشِّتَاءِ Ve
خَبْطَةٌ [ḣabṯat] Gölde ve kapta kalan su bakiyyesine denir ve bunda ḣâ’nın harekât-ı selâsıyla câ΄izdir. Cemʹi خِبَطٌ [ḣibaṯ] ve خُبَطٌ [ḣubaṯ] gelir, عِنَبٌ [ʹineb] ve صُرَدٌ [ṡurad] veznlerinde. Kezâlik tulumda kalan süt bakiyyesine ve kapta kalan taʹâm bakiyyesine denir. Ve çehrede silik tarzında olan latîf ve zîbâ yerli eser ve nişâna ıtlâk olunur; yukâlu: عَلَيْهِ خَبْطَةٌ أَيْ مَسْحَةٌ جَمِيلَةٌ Ve azca nesneye ıtlâk olunur. Ve arzın çok yerine isâbet eden zaʹîf yağışlı yağmura denir.
اَلْخِبْطَةُ [el-ḣibṯat] (ḣâ’nın kesriyle ve bâ’nın sükûnuyla) Az olan süte derler. Ve
خِبْطَةٌ [ḣibṯat] Gecenin bir mikdârı geçtikten sonra bâkî kalanına dahi derler. Ve
خِبْطَةٌ [ḣibṯat] Evlerden bir mikdâra ve halâyıktan bir mikdâra dahi derler.
Sitemizde detaylı hızlı ve kolay arama ekranı