اَلْخُرْجُ [el-ḣurc] (ḣâ’nın zammıyla) Maʹrûf kaptır ki Fârisîde hurcîn ve Türkîde dahi hurc ile müteʹâreftir; heybeden büyük olur. Cemʹi خِرَجةٌ [ḣirecet] gelir ḣâ’nın kesri ve râ’nın fethiyle, جُحْرٌ [cuḩr] ve جِحَرَةٌ [ciḩaret] gibi. Ve
خُرْجٌ [Ḣurc] Diyâr-ı Temîm’de bir vâdî ismidir.
اَلْخَرْجُ [el-ḣarc] (سَرْجٌ [serc] vezninde) خَرَاجٌ [ḣarâc] maʹnâsınadır ki zikr olundu. Ve
خَرْجٌ [ḣarc] Henüz zuhûr ve neş΄et eylediği hînde sehâba ıtlâk olunur. Ve keseden çıkan masrafa ıtlâk olunur ki دَخْلٌ [daḣl] ve إِيرَادٌ [îrâd] mukâbilidir. Lisânımızda dahı harc ıtlâk olunur; yukâlu: لَهُ خَرْجٌ كَثِيرٌ أَيْ خِلاَفُ الدَّخْلِ Ve
خَرْجٌ [Ḣarc] Yemâme’de bir mevziʹ adıdır.
اَلْخَرْجُ [el-Ḣarc] Bir yerin adıdır, Yemâme’de. Ve
خَرْجٌ [ḣarc] Buluta dahi derler, ibtidâ zuhûr ettiği hînde; yukâlu: خَرَجَ لَهُ خَرْجٌ حَسَنٌ Yaʹnî “Bulut iyilik üzere zuhûr etti. Ve
خَرَجٌ [ḣarec] Sarf olunan nesne ki دَخْلٌ [daḣl]in yaʹnî حَاصِلٌ [ḩâṡil]in mukâbilidir.
Sitemizde detaylı hızlı ve kolay arama ekranı