Kamus-ı Muhit - خطر maddesi

اَلْخَطْرُ [el-ḣaṯr] (سَطْرٌ [saṯr] vezninde) Bir nevʹ iri ve büyük ölçek adıdır. Şârih der ki ehl-i Şâm beyninde müteʹâreftir. Ve

خَطْرٌ [ḣaṯr] Deve kısmının butları üzere bevl ve baʹrlarında keçe gibi yapışıp münʹakid olan çakıldağa denir; bunda ḣâ’nın kesriye de câ΄izdir. Ve ufk üzere arkuru zuhûr edip duran buluta denir. Ve

خَطْرٌ [ḣaṯr] Şeref ve şân ve menzilet maʹnâsınadır; bunda fethateynle de câ΄izdir; yukâlu: هُوَ مِنْ أَهْلِ الْخَطْرِ وَالْخَطَرِ أَيِ الشَّرَفِ

اَلْخَطَرُ [el-ḣaṯar] (fethateynle) Helâke müşrif olmak maʹnâsınadır; yukâlu: هُوَ عَلَى خَطَرٍ عَظِيمٍ أَيْ إِشْرَافٍ عَلَى هَلَكَةٍ Ve ödüllü olan bahse ve yarışa ve koşuya denir. Şârih der ki belki bi-ʹaynihi ödüle denir; yukâlu: وَضَعُوا لَهُمْ خَطَرًا وَأَحْرَزُوا خَطَرًا Ve bu maʹnâ hakîkîdir, işrâf ʹale’l-helâk maʹnâsı bundan me΄hûzdur. İntehâ. Ve خَطَرٌ [ḣaṯar]ın cemʹi خِطَارٌ [ḣiṯâr] gelir ḣâ’nın kesriyle ve cemʹü’l-cemʹi خُطَرٌ [ḣuṯar] gelir ḣâ’nın zammıyla Ve

خَطَرٌ [ḣaṯar] Bir adamın kadr ve mertebesine denir; yukâlu: إِنَّهُ لَعَظِيمُ الْخَطَرِ أَيِ الْقَدْرِ Ve ʹuluvv-i şân ve rifʹat cihetiyle olan misl ve nazîre denir; yukâlu: فُلاَنٌ لَيْسَ لَهُ خَطَرٌ أَيْ مِثْلٌ وَعِدْلٌ فِي الْعُلُوِّ

Vankulu Lugatı - خطر maddesi

اَلْخِطْرُ [el-ḣiṯr] (ḣâ’nın kesri ve ṯâ’nın sükûnuyla) Bir ottur ki onunla hidâb olunup yaʹnî kınâ gibi istiʹmâl olunur, aʹzâ boyamada ve lâkin kesîrü’l-mâ΄dır. Ve kesret-i mâ΄ile iştihârı olduğu için, suyu çok olan süte dahi خِطْرٌ [ḣiṯr] derler. Ve

خِطْرٌ [ḣiṯr] Çokluk deveye dahi derler.

اَلْخَطَرُ [el-ḣaṯar] (fethateynle) Helâka müşrif olmak. Ve

خَطَرٌ [ḣaṯar] Kezâlik ödüle derler ki yarış mahallinde her kim geçerse ona verilir. Ve

خَطَرٌ [ḣaṯar] Kadr ve menzileye dahi derler. Ve misle dahi derler; yukâlu: هَذَا خَطَرٌ لِهَذَا أَيْ مِثْلٌ لَهُ فِي الْقَدْرِ