Kamus-ı Muhit - رمث maddesi

اَلرِّمْثُ [er-rimšamp;] (râ’nın kesriyle) Şol otluğa denir ki deve kısmına mahsûstur. Ve

رِمْثٌ [rimšamp;] Şecer-i gazâya şebîh bir nevʹ şecer adıdır, Türkîde acı ılgın dedikleri şecerdir. Ve köhne libâslı, pejmürde-kıyâfet kişiye denir; yukâlu: رَجُلٌ رِمْثٌ أَيْ خَلَقُ الثِّيَابِ Ve beli gevşek ve zaʹîf olan kişiye denir ki murâd cimâʹda beli gevşek olandır; yukâlu: رَجُلٌ رِمْثٌ أَيْ ضَعِيفُ الْمَتْنِ

اَلرَّمَثُ [er-remešamp;] (fethateynle) Sal taʹbîr olunan şey΄e denir ki ağaçları birbirine muhkem çatıp ırmaklarda üzerine rükûbla ʹubûr ederler, niteki tulumlardan olan kelek taʹbîr olunur; yukâlu: عَبَرَ الْمَاءَ بِالرَّمَثِ وَهُوَ خَشَبٌ يُضَمُّ بَعْضُهُ إِلَى بَعْضٍ وَيُرْكَبُ فِي الْبَحْرِ Hâlen büyük gemiler arkasında baʹzı kereste tahmîl ile çekip getirdikleri sala dahi ıtlâk olunur. Ve

رَمَثٌ [remešamp;] Masdar olur, deve zikr olunan رمث [rimšamp;] dedikleri nebât ekl eylemekle ishâlle derd-nâk olmak maʹnâsınadır; yukâlu: رَمِثَتِ اْلإِبِلُ رَمَثًا مِنَ الْبَابِ الرَّابِعِ إِذَا أَكَلَتِ الرِّمْثَ فَاشْتَكَتْ عَنْهُ Ve

رَمَثٌ [remešamp;] Hayvânın memesinde kalan süt bakiyyesine denir. Ve fazîlet ve meziyyet maʹnâsınadır; yukâlu: لِفُلاَنٍ عَلَى فُلاَنٍ رَمَثٌ أَيْ مَزِيَّةٌ Ve yağ ve yoğurt çalacak yayık tulumunu asmak için bağladıkları bağa denir. Ve

رَمَثٌ [remešamp;] Kezâlik masdar olur, karışık olmak maʹnâsına; yukâlu: رَمِثَ أَمْرُهُمْ رَمَثًا مِنَ الْبَابِ الْمَزْبُورِ إِذَا اخْتَلَطَ

Vankulu Lugatı - رمث maddesi

اَلرَّمَثُ [er-remešamp;] (fethtateynle) Şol ağaçlara derler ki birbirine bağlanıp deryâda üzerine binilir. Ve

رَمَثٌ [remešamp;] Deve şûr ot otlamağın mizâcı mütegayyir olmak maʹnâsına; yukâlu: رَمِثَتْ مِنَ الْبَابِ الرَّابِعِ Ve

رَمَثٌ [remešamp;] Aṡmaʹî rivâyeti üzere memede kalan süt bakiyyesine derler.