سَبَأٌ [Sebe΄] ʹAbdullâh nâm kimsenin pederi ismidir ki gulât-ı şîʹadan Sebe΄iyye tâ΄ifesi ona mensûbdur.
سَبَأُ [Sebe΄] (جَبَلٌ [cebel] vezninde) حَيٌّ [ḩayy] irâdesiyle sarfı ve بَلْدَةٌ [beldet] iʹtibârıyla menʹ-i sarfı câ΄izdir; Yemen’de Bilḵîs cenâblarının şehridir. Selefte be-gâyet âbâdân ve cemîʹ-i arzı bâg ve hıyâbân idi. Ve
سَبَأُ [Sebe΄] ʹAbduşems b. Yeşcub b. Yaʹrub b. Ḵaḩṯân nâm kimsenin lakabıdır, cümle-i kabâʹil-i Yemen’i câmiʹ yaʹnî cümlesi ona mensûb ve ondan müteşaʹʹib ve müteferriʹ olmuşlardır; ve minhu’l-meselu: “تَفَرَّقُوا أَيْدِي سَبَا” وَ”أَيَادِي سَبَا” أَيْ تَبَدَّدُوا Burada سَبَا [sebâ] kelimesi sükûn üzere mebnî olarak tekellüm olunur, سَبَاءٌ [sebâ΄] lafzından muhaffef değildir, belki sükûnu hemze’den bedeldir. Mesel-i mezbûr bir cemʹiyyetin perîşân ve târümâr olmasında darb olunur. أَيْدِي [eydî] kelimesi يَدٌ [yed] lafzından cemʹdir ve أَيَادِي [eyâdî] cemʹü’l-cemʹidir. يَدٌ [yed] tarîk maʹnâsınadır yâhûd niʹmet maʹnâsınadır; baʹde’l-izâfet, خَمْسَةَ عَشَرَ [ḣamsete ʹaşere] gibi ism-i vâhid hükmünde olmuştur.
سَبَأٌ [Sebe΄] Bir kimsenin ismidir ki ʹâmme-i kabâ΄il-i Yemen onun neslidir ki Sebe΄ b. Yeşcub b. Yaʹrub b. Ḵaḩṯân derler, yusrafu ve lâ yusrafu; yumeddu ve lâ yumeddu.
Sitemizde detaylı hızlı ve kolay arama ekranı