Kamus-ı Muhit - غميصاء maddesi

اَلْغُمَيْصَاءُ [el-Ġumeyṡâ΄] (musaggar bünyesiyle) Şiʹrâ dedikleri iki kevkebin birine ıtlâk olunur ve dîğerine ʹAbûr denir. Maʹlûm ola ki felekte Cevzâ’dan sonra iki rûşen kevkeb tulûʹ eder, Kehkeşân’ın iki cânibinde olurlar; biri cenûba ve biri şimâle mâ΄ildir. Cenûba mâ΄il olan büyük ve rûşen ve şimâle mâ΄il olan küçük ve sürh-rengdir. Cenûba mâ΄il olanına Şiʹrâ-yı Yemânî ve ʹAbûr derler ki Kelb-i Ekber sûretinin ağzındadır. Ve şimâle mâ΄il olanına Şiʹrâ-yı Şâmî ve Ġumeyṡâ΄ derler ki Kelb-i Asġar sûretinin kevâkibindendir. ʹArabların efsânelerindendir ki bu iki kevkeb, Suheyl-i Yemenî nâm kevkebin kızkardeşleri idi, Suheyl bunları terk edip Yemen cânibine ʹazîmet eyledi. Baʹdehu Şiʹrâ-yı Yemânî dahi Şâmî’yi terk edip Suheyl arkasından ʹazm ve Kehkeşân’ı ʹubûr edip öte geçti, onun için ona ʹAbûr ıtlâk olundu. Onun derd-i firâkından Şiʹrâ-yı Şâmî bükâ ederek kalıp gözleri çapak tutmakla ona Ġumeyṡâ΄ ıtlâk eylediler ve ona Ġamûṡ dahi derler. Ve

غُمَيْصَاءُ [Ġumeyṡâ΄] Bir mevziʹ adıdır ki ondan Ḣâlid b. Velîd radıyallâhu ʹanhu Benû Cežîme’yi hezm eyledi. Ve Ġumeyṡâ΄, Enes b. Mâlik’in vâlidesi ismidir, lâkin mü΄ellif رُمَيْصَاءُ [Rumeyṡâ΄] olmak üzere sebt eylemiş idi.

Vankulu Lugatı - غميصاء maddesi

اَلْغَمَيْصَاءُ [el-Ġamayṡâ΄] (ġayn’ın ve mîm’in fethi ve yâ’nın sükûnu ve elifin meddiyle) شِعْرَي [Şiʹrâ] dedikleri iki yıldızın biridir. Ve öbürüne عَبُورٌ [ʹAbûr] derler. Ve

غَمَيْصَاءُ [Ġamayṡâ΄] Bir mevziʹin dahi ismidir.