Kamus-ı Muhit - مربع maddesi

اَلْمَرْبَعُ [el-merbaʹ] (مَقْعَدٌ [maḵʹad] vezninde) رَبْعٌ [rebʹ] gibi bahâra mahsûs ikâmet-gâha denir; yukâlu: هَذَا رَبْعُهُمْ وَمَرْبَعُهُمْ أَيْ مَوْضِعُهُمْ يَرْتَبِعُونَ فِيهِ فِي الرَّبِيعِ Ve

مَرْبَعٌ [Merbaʹ] Bir mevziʹ adıdır.

اَلْمِرْبَعُ [el-mirbaʹ] (مِنْبَرٌ [minber] vezninde) ve

اَلْمِرْبَعَةُ [el-mirbeʹat] (مِكْنَسَةٌ [mikneset] vezninde) Şol değneğe denir ki dâbbeye yük yükletenler onu dengin altına sokup bir ucunu biri ve bir ucunu âheri alıp kaldırmakla yükletirler. Ve

مِرْبَعٌ [Mirbaʹ] Ashâbdan ʹAbdullâh ve ʹAbdurraḩmân ve Zeyd ve Murâre nâm zevâtın pederleri ismidir ki gözleri ve münâfikînden olmakla basîreti dahi aʹmâ idi. Ve Cerîr nâm şâʹirin râvî-i şiʹri olan Vaʹvaʹa b. Saʹd’ın lakabıdır.

Vankulu Lugatı - مربع maddesi

اَلْمُرْبِعُ [el-murbiʹ] (mîm’in zammı ve bâ’nın kesriyle) Şol yağmurdur ki deve yiyecek ot bitire; minhu kavluhum: غَيْثٌ مُرْبِعٌ مُرْتِعٌVe مُرْتِعٌ [murtiʹ] mîm’in zammı ve tâ-i müsennâtın kesriyle zikr olunan yağmura derler. Ve

مُرْبِعٌ [murbiʹ] Şol nâkaya derler ki yanında رُبَعٌ [rubaʹ] ola, yaʹnî vakt-i rebîʹde doğmuş veledi ola.

اَلْمُرَابَعَةُ [el-murâbeʹat] (mîm’in zammı ve bâ’nın fethiyle) Zikr olunan tarîkle yük yükletmek. Ve

مُرَابَعَةٌ [murâbeʹat] Vakt-i rebîʹde muʹâmele etmeğe dahi derler. Kisâ΄î eyitti: عَامَلْتُهُ مُرَابَعَةً derler, nitekim مُصَايَفَةٌ [muṡâyefet] ve مُشَاهَرَةٌ [muşâheret] derler. Ve

مِرْبَعٌ [Mirbaʹ] (mîm’in kesri ve bâ’nın fethi ile) Bir recülün ismidir.