اَلْإِخْتِصَامُ [el-iḣtiṡâm] (إِفْتِعَالٌ [iftiʹâl] vezninde) Müşâreket içindir, biriyle husûmet edişmek maʹnâsınadır; yukâlu: إِخْتَصَمَ الْقَوْمُ وَتَخَاصَمُوا بِمَعْنًى Ve men kare΄e kavlehu taʹâlâ: ﴿وَهُمْ يَخِصِّمُونَ﴾ الآية yaʹnî ﴿يَخِصِّمُونَ﴾ kelimesini ḣâ’nın fethi ve ṡâd-ı müşeddedenin kesriyle kırâ΄at edenler, aslı يَخْتَصِمُونَ idi dediler ki إِفْتِعَالٌ [iftiʹâl]in tâ’yı ṡâd’a kalb ve idgâm ve fethası ḣâ’ya nakl olundu. Ve baʹzılar fethayı nakl eylemeyip ictimâʹ-ı sâkineynden nâşî izâ hurrike’s-sâkin kâʹidesine mebnî ḣâ’yı meksûr eylediler. Ve Ebû ʹAmr ḣâ’nın harekesini ihtilâs yaʹnî hareke-i gayr-i mütemeyyize ile kırâ΄at eyledi, ictimâʹ-ı sâkineynden ihtirâz ile ve ammâ sâkineyn beynini cemʹ eylemek lahndır.Mü΄ellif bununla İmâm Nâfiʹ kırâ΄atine taʹrîz eylemiştir ki sânî müdgam olan yerde ictimâʹ-ı sâkineyni tecvîz eylemiştir. Ve burada Cevherî’nin وَيُقَالُ اَلسَّيْفُ يَخْتَصِمُ جَفْنَهُ إِذَا أَكَلَهُ kavli galattır, bu ḋâd-ı muʹceme iledir.
اَلْإِخْتِصَامُ [el-iḣtiṡâm] (hemzenin ve tâ’nın kesriyle) Husûmet edişmek.
Sitemizde detaylı hızlı ve kolay arama ekranı