اَلْإِخْفَاءُ [el-iḣfâ΄] (hemzenin kesriyle) Gizlemek maʹnâsınadır; yukâlu: أَخْفَاهُ إِذَا سَتَرَهُ وَكَتَمَهُ Ve gizlenmek maʹnâsınadır; yukâlu: أَخْفَى زَيْدٌ إِذَا اسْتَتَرَ
اَلْإِخْفَاءُ [el-iḣfâ΄] (hemzenin kesri ve elifin meddiyle) Bir nesneyi gizlemek; tekûlu: أَخْفَيْتُ الشَّيْءَ إِذَا سَتَرْتَهُ وَكَتَمْتَهُ Ve minhu kavluhu taʹâlâ: ﴿إِنَّ السَّاعَةَ آتِيَةٌ أَكَادُ أُخْفِيهَا﴾ (طه، 15) Ve baʹzılar “أَخْفِيهَا” dahi kırâ΄at etti hemzenin fethiyle. Ammâ sûret-i fethte أَخْفِيهَا [aḣfîhâ] أُظْهِرُهَا maʹnâsına olduğu zâhirdirve ammâ sûret-i zammda “أُخْفِيهَا” [uḣfîhâ] إِظْهَارٌ [iżhâr] maʹnâsına olması hemze selb için olup izâle-i hafâ murâd olmakla olur ki خِفَاءٌ [ḣifâ΄] kesr-i ḣâ ile غِطَاءٌ [ġiṯâ΄] maʹnâsınadır, ʹalâ-mâ se-yecî΄u. Pes bu أَشْكَيْتُهُ gibi olur أَزَلْتُ عَنْهُ مَا يَشْكُوهُ maʹnâsına, yaʹnî “Bî-huzûr olduğu nesneyi izâle kıldım” maʹnâsına.
Sitemizde detaylı hızlı ve kolay arama ekranı