اَلْإِنْحِيَازُ [el-inḩiyâz] (إِنْفِعَالٌ [infiʹâl] vezninde) Bir nesneden ʹudûl ve insirâf eylemek maʹnâsınadır; yukâlu: إِنْحَازَ عَنْهُ إِذَا عَدَلَ Ve bir kimse durduğu merkezi değişip alarga olmak maʹnâsınadır; yukâlu: إِنْحَازَ الْقَوْمُ إِذَا تَرَكُوا مَرْكَزَهُمْ إِلَى آخَرَ Şârih der ki muhârebede inkisâr ehibbâ΄ tarafında vâkiʹ olur ise üdebâ΄ إِنْحَازُوا عَنِ الْعَدُوِّ derler ve aʹdâ΄ cânibinde olursa إِنْهَزَمُوا yâhûd وَلَّوْا مُدْبِرِينَ derler.
اَلْإِنْحِيَازُ [el-inḩiyâz] (hemzenin ve ḩâ’nın kesriyle) Dönmek عُدُولٌ [ʹudûl] maʹnâsına; yukâlu: إِنْحَازَ الْقَوْمُ إِذَا تَرَكُوا مَرْكَزَهُمْ إِلَى آخَرَ Yaʹnî mekânların değişseler; kaçan dost ahvâlinden haber verseler إِنْحَازُوا عَنِ الْعَدُوِّ وَحَاصُوا derler kaçan düşman ahvâlinden haber verseler; إِنْهَزَمُوا derler ve وَلَّوْا مُدْبِرِينَ derler. Ve حَيْصٌ [ḩayṡa] ḩâ-i mühmele ve ṡâd-ı mühmele ile kezâlik عُدُولٌ [ʹudûl] maʹnâsınadır.
Sitemizde detaylı hızlı ve kolay arama ekranı