اَلتَّأْرِيضُ [et-te΄rîḋ] Yerin mecmûʹ otlarını otlatıp sâ΄ir otlu yer taleb eylemek maʹnâsınadır; yukâlu: أَرَّضَ فُلاَنٌ إِذَا رَعَى كَلَأَ الْأَرْضِ فَارْتَادَهُ Ve geceden savma niyyet edip hâzırlanmak maʹnâsınadır; yukâlu: أَرَّضَ فُلاَنٌ الصَّوْمَ إِذَا نَوَاهُ وَتَهَيَّأَ Ve sözün pürüzünü tenkîh edip pâkîze ve mühezzeb kılmak maʹnâsınadır; yukâlu: أَرَّضَ الْكَلَامَ إِذَا شَذَّبَهُ وَهَذَّبَهُ Ve bir nesneyi ağır eylemek ve ağırlandırmak maʹnâsınadır; yukâlu: أَرَّضَهُ إِذَا ثَقَّلَهُ Ve onarmak maʹnâsınadır; yukâlu: أَرَّضَهُ إِذَا أَصْلَحَهُ Ve eğlendirmek ve katlandırmak maʹnâsınadır; yukâlu: أَرَّضَهُ إِذَا لَبَّثَهُ Ve tulumu ıslâh eylemek için içine su yâhûd süt yâhûd yağ ve rubb makûlesi komak maʹnâsınadır; yukâlu: أَرَّضَ السِّقَاءَ إِذَا جَعَلَ فِيهِ لَبَنًا وَمَاءً وَسَمْنًا وَرُبًّا لِإِصْلاَحِهِ
Sitemizde detaylı hızlı ve kolay arama ekranı