اَلتَّرْقِيمُ [et-terḵîm] (تَفْعِيلٌ [tefʹîl] vezninde) رَقْمٌ [raḵm] ile üç maʹnâ-yı evvelde mürâdiftir; yukâlu: رَقَّمَهُ بِمَعْنَى رَقَمَهُ Ve تَرْقِينٌ [terḵîn] maʹnâsınadır ki dîvân-ı mîrî kâtibleri rikâʹ ve tevkîʹât ve ḩusbânât defterlerine ʹalâmet-i mahsûsa ile nişân eylemek maʹnâsınadır ki bir mahalli tesvîd ile ibtâl eylemekten ʹibârettir tâ ki onun sûreti rûznâmçeye nakl ve tebyîz olunmuş zannıyla sonradan hisâba idhâl olunmaya. Hâlen dîvân küttâbı beyninde meselâ bir fermânlı kimsenin ʹafvı zuhûrunda fermânlı defterinden ismini çaldıkta kaydı terkîn olunmak taʹbîri bu kabîldendir. Ve mahlûl vukûʹunda defterten ismi terkîn olunmak ve kuzât-ı ʹasâkir rûznâmçelerinden kezâlik tezkire-i tevcîhlerinde merfûʹ çekilmek bu cümledendir; yukâlu: رَقَّمَ الْكَاتِبُ أَيْ رَقَّنَ وَهِيَ عَلَامَةٌ لِأَهْلِ دِيوَانِ الْخَرَاجِ يُجْعَلُ عَلَى الرِّقَاعِ وَالتَّوْقِيعَاتِ وَالْحُسْبَانَاتِ لِئَلَّا يُتَوَهَّمَ أَنُّهُ بُيِّضَ كَيْلَا يَقَعَ فِيهِ حِسَابٌ
اَلتَّرْقِيمُ [et-terḵîm] (ʹalâ-vezni اَلتَّكْرِيم [et-tekrîm]) Kezâlik beze nişân etmek; tekûlu: رَقَّمْتُهُ تَرْقِيمًا
Sitemizde detaylı hızlı ve kolay arama ekranı