اَلتِّرْيَاقُ [et-tiryâḵ] (tâ’nın kesriyle) Bir devâyî mürekkebdir ki Maġanis Hekîm ihtirâʹ edip Enderumaḣis nâm hekîm-i kadîm ona efʹî luhûmunu ziyâde eylemekle tekmîl eylemiştir ve ondan garaz ve matlûb luhûm-ı mezbûre ile kâmil oldu. Ve تَرِيَاقٌ [tiryâḵ] ile tesmiye eden merkûmdur, zîrâ تَرِيَاقٌ [tiryâḵ] lafzı fi’l-asl Yûnânî olan تِرْيَا [tiryâ] kelimesiyle قَاءَا [ḵâ΄â] kelimesinden mürekkebdir. تِرْيَا [tiryâ] hevâmm-ı sebuʹiyye ledgına nâfiʹ olan şey΄e denir. Ve قَاءَا [ḵâ΄â] medd ile edviye-i semmiyye-i meşrûbeye nâfiʹ nesneye denmekle dârû-yı mezbûrda bu hâssalar mevcûd olduğundan terkîb edip تِرْيَاقَاءُ [tiryâḵâ΄] ile tesmiye eyledi, baʹdehu tahfîf ve taʹrîble تَرِيَاقٌ [tiryâḵ] dediler.
اَلتِّرْيَاقُ [et-tiryâḵ] (tâ’nın kesri ve râ’nın sükûnuyla) Bir devâdır ki zehrleri defʹ eder; Fârisî-i muʹarrebdir. Ve ʹArab tâ΄ifesi hamra تِرْيَاقٌ [tiryâḵ] diye tesmiye ederler, gussayı giderdiği için.
Sitemizde detaylı hızlı ve kolay arama ekranı