اَلتَّضْرِيبُ [et-taḋrîb] (تَفْعِيلٌ [tefʹîl] vezninde) Çok vurmak maʹnâsınadır. Binâsı teksîr içindir; yukâlu: ضَرَّبَهُ تَضْرِيبًا Ve bir nesneyi şey΄-i âhere katıp karıştırmak maʹnâsınadır; yukâlu: ضَرَّبَ الشَّيْءَ بِالشَّيْءِ إِذَا خَلَطَهُ Ve kara tutulmak maʹnâsınadır; yukâlu: ضَرَّبَ فُلاَنٌ إِذَا تَعَرَّضَ لِلثَّلْجِ Ve ضَرِيبٌ [ḋarîb] dedikleri süt içmek maʹnâsınadır, ke-mâ se-yuzkeru; yukâlu: ضَرَّبَ الرَّجُلُ إِذَا شَرِبَ الضَّرِيبَ Ve göz çukurlanıp içeri batmak maʹnâsınadır; yukâlu: ضَرَّبَتْ عَيْنُهُ إِذَا غَارَتْ
اَلتَّضْرِيبُ [et-taḋrîb] (tâ’nın fethi ve ḋâd’ın sükûnuyla) Hass edip kındırmak. Ve nihâlîyi dikip ıslâh etmeğe dahi derler; yukâlu: ضَرَّبَ النَّجَّادُ الْمُضَرَّبَةَ إِذَا خَاطَهَا Ve مُضَرَّبَةٌ [muḋarrabet] şol nihâlîye derler ki üzerinde namâz kılınır. Ve نَجَّادٌ [neccâd] nûn’la ve cîm’le ve dâl-ı mühmele ile nihâlîyi işleyene derler.
Sitemizde detaylı hızlı ve kolay arama ekranı