اَلْجَرِيدَةُ [el-cerîdet] (سَعِيدَةٌ [saʹîdet] vezninde) Uzun olan hurmâ dalına denir, gerek yaş ve gerek kuru olsun, ʹalâ-kavlin yaprakları izâle olunmuşuna denir, lâkin ağacından kesilmiş olanıdır. Ve bu müfreddir, جَرِيدٌ [cerîd] cemʹ-i cinsidir. Türkîde cirit taʹbîr olunan değnek bundan me΄hûzdur. Ve
جَرِيدَةٌ [cerîdet] İçlerinden aslâ piyâde olmayan süvârî alayına ıtlâk olunur, piyâdeden mücerred olduğu için. Ve mâl bakiyyesine ıtlâk olunur. Ve جَرِيدٌ [cerîd] أَجْرَدُ [ecred] gibi zamân-ı tâmm u kâmil maʹnâsına istiʹmâl olunur, noksândan mücerred olduğu için; yukâlu: يَوْمٌ جَرِيدٌ أَيْ تَامٌّ ve مَا رَأَيْتُهُ مُذْ جَرِيدَانِ أَيْ مُذْ يَوْمَيْنِ أَوْ شَهْرَيْنِ Burada مُذْ ism ve جَرِيدَانِ haberidir.
اَلْجَرِيدَةُ [el-cerîdet] (cîm’in fethi ve râ’nın kesriyle) Vâhidi; yukâlu: جَرَدْتُهُ عَنْهُ أَيْ قَشَرْتُهُ عَنْهُ Yaʹnî “Kabın soydum.” Ve şol bölüktür ki bir cemâʹatten bir husûs için ayrılmıştır. Ve tamâm yıla dahi جَرِيدٌ derler, sene-i tâmme maʹnâsına.
Sitemizde detaylı hızlı ve kolay arama ekranı