el-ḩavt ~ اَلْحَوْتُ

Kamus-ı Muhit - الحوت maddesi

اَلْحَوْتُ [el-ḩavt] (صَوْتٌ [ṡavt] vezninde) ve

اَلْحَوَتَانُ [el-ḩavetân] (دَوَرَانٌ [deverân] vezninde) Kuş ve sâ΄ir cânver, su ve sayd makûlesi nesnenin etrâfını dönüp doluşmak maʹnâsınadır; yukâlu: حَاتَ الطَّائِرُ وَالْوَحْشُ حَوْلَهُ يَحُوتُ حَوْتًا وَحَوَتَانًا إِذَا حَامَ

اَلْحُوتُ [el-ḩût] (ḩâ’nın zammıyla)] Balığa denir, سَمَكٌ [semek] maʹnâsına. Cemʹi أَحْوَاتٌ [aḩvât] gelir ve حِوَتَةٌ [ḩivetet] gelir عِنَبَةٌ [ʹinebet] vezninde ve حِيتَانٌ [ḩîtân] gelir. Ve

حُوتٌ [ḩût] Burûc-i felekiyyeden bir burc adıdır ki onda kevâkibden حُوتٌ [ḩût] sûreti bâʹis-i tesmiyedir. Ve

حُوتٌ [Ḩût] Esâmîdendir: Ḩût b. el-Ḩârišamp; el-Aṡġar, Kinde kabîlesinden bir batn pederidir. Ve Ḩût b. Sebuʹ b. Ṡaʹb ricâl-i ʹArabdandır. Ve Ebû Bekr ʹOšamp;mân b. Muḩammed el-Maʹâfirî ki İbnu’l-Ḩût ile müteʹâreftir, muhaddisîndendir.

Vankulu Lugatı - الحوت maddesi

اَلْحَوْتُ [el-ḩavt] (ḩâ’nın fethi ve vâv’ın sükûnuyla) Bir nesnenin etrâfın kuş uçarken dolaşmak; yukâlu: حَاتَ الطَّائِرُ عَلَى الشَّيْءِ يَحُوتُ Yaʹnî kaçan kuş bir nesnenin etrâfın dolaşsa.

اَلْحُوتُ [el-ḩût] (ḩâ’nın zammıyla) Balık, semek maʹnâsına.

Sıradaki Maddeler

Arama ekranı

Sitemizde detaylı hızlı ve kolay arama ekranı