اَلْخَرَجُ [el-ḣarec] (fethateynle) Bir nesne aklı karalı alaca olmak maʹnâsınadır; ekserî hayvânda müstaʹmeldir, gûyâ ki aralıktan levn-i vâhid hâric olur. Mü΄ellif bunu ism sûretinde resm edip lâkin masdar olmak gâlibdir.
اَلْخُرْجُ [el-ḣurc] (ḣâ’nın zammıyla) Maʹrûf kaptır ki Fârisîde hurcîn ve Türkîde dahi hurc ile müteʹâreftir; heybeden büyük olur. Cemʹi خِرَجةٌ [ḣirecet] gelir ḣâ’nın kesri ve râ’nın fethiyle, جُحْرٌ [cuḩr] ve جِحَرَةٌ [ciḩaret] gibi. Ve
خُرْجٌ [Ḣurc] Diyâr-ı Temîm’de bir vâdî ismidir.
اَلْخَرْجُ [el-ḣarc] (ḣâ’nın fethi ve râ’nın sükûnuyla) ve
اَلْخَرَاجُ [el-ḣarâc] (سَحَابٌ [seḩâb] vezninde ve ḣâ’ların zammıyla câ΄izdir) إِتَاوَةٌ [itâvet] maʹnâsınadır ki emvâl-i nâstan cibâyet olunan meblagdır. خَرَاجٌ [ḣarâc] kelimesinin cemʹi أَخْرَاجٌ [aḣrâc] gelir, ve أَخَارِيجُ [eḣârîc] ve أَخْرِجَةٌ [aḣricet gelir, أَزْمَانٌ [ezmân] ve أَزْمِنَةٌ [ezminet] gibi; zâhiren أَخَارِيجُ [aḣârîc] cemʹü’l-cemʹdir.
اَلْخَرَجُ [el-ḣarec] (fethateynle) ve
اَلْخَرَاجُ [el-ḣarâc] (ḣâ’nın fethiyle) Yer haracı ve cizye ki kefereden alınır.
اَلْخُرْجُ [el-ḣurc] Heybe, ḣurcîne maʹnâsına; ʹArabîdir, ʹAcemden menkûl değildir.
اَلْخَرْجُ [el-Ḣarc] Bir yerin adıdır, Yemâme’de. Ve
خَرْجٌ [ḣarc] Buluta dahi derler, ibtidâ zuhûr ettiği hînde; yukâlu: خَرَجَ لَهُ خَرْجٌ حَسَنٌ Yaʹnî “Bulut iyilik üzere zuhûr etti. Ve
خَرَجٌ [ḣarec] Sarf olunan nesne ki دَخْلٌ [daḣl]in yaʹnî حَاصِلٌ [ḩâṡil]in mukâbilidir.
Sitemizde detaylı hızlı ve kolay arama ekranı