اَلْخَرْدَلُ [el-ḣardel] (جَعْفَرٌ [caʹfer] vezninde) Maʹrûf dânedir, Türkîde tahrîfle hardal dedikleridir. Berrî kısmından bir nevʹine kıcı taʹbîr olunur. Musahhin ve mülattif ve aʹmâk-ı bedenden balgamı câzib ve kâliʹ ve müleyyin ve hâzım ve tılâsı nikris ve ʹırku’n-nesâ ve baras ʹilletlerine nâfiʹ ve buhûru hâneden tard-ı hayyât husûsunda müfîd ve ʹusâresini taktîr vecaʹ-ı üzünü müsekkin ve meshûkunu zımâd vecaʹ-ı esnânı defʹ etmekte be-gâyet mü΄essirdir. Ve hardal-ı Fârisî dedikleri Mıṡır’da حَشِيشَةُ السُّلْطَانِ [ḩaşîşetu’s-suṯtân] demekle müteʹâref olan nebâttır ki ḩarf-i ebyaz yaʹnî tereden bir kısmdır ki varakı ʹarîz ve çiçeği ak ve hiddeti ekall olur.
اَلْخَرْدَلُ [el-ḣardel] (ʹalâ-vezni جَعْفَر [caʹfer]) Hubûbât kısmından maʹrûf olan dânedir.
Sitemizde detaylı hızlı ve kolay arama ekranı