اَلدَّهْمَقَةُ [ed-dehmeḵat] (دَحْرَجَةٌ [daḩrecet] vezninde) Bir nesneyi kırıp doğramak maʹnâsınadır; yukâlu: دَهْمَقَ الشَّيْءَ إِذَا كَسَرَهُ وَقَطَعَهُ Ve kirişi yumuşatmak maʹnâsınadır; yukâlu: دَهْمَقَ الْوَتَرَ إِذَا لَيَّنَهُ Ve taʹâmı hoş ve nâzük ve mülâyim yapmak, ʹalâ-kavlin nâ-hoş yapmak maʹnâsına olmakla zıdd olur; yukâlu: دَهْمَقَ الطَّعَامَ إِذَا طَيَّبَهُ وَرَقَّقَهُ وَلَيَّنَهُ أَوْ لَمْ يُجَوِّدْهُ Lâkin zıddiyyetinde nazar vardır.
اَلدَّهْمَقَةُ [ed-dehmeḵat] (ʹalâ-vezni اَلدَّحْرَجَة[ed-daḩrecet]) Bi-maʹnâhu eyzan bi-ziyâdeti’l-mîm. Ve Aṡmaʹî eyitti: دَهْمَقَةٌ [dahmeḵat] taʹâmın mülâyim olup hûb olmasıdır. Ve her nesne ki mülâyim ola onun mülâyemetine derler. Ve minhu hadîsu ʹÖmer radıyallâhu ʹanhu: “لَوْ شِئْتُ أَنْ يُدَهْمَقَ لِي لَفَعَلْتُ وَلَكِنَّ اللهَ عَابَ قَوْمًا فَقَالَ أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُمْ بِهَا” Yaʹnî “Etʹime-i nefîse ve elbise-i hasene istiʹmâl etsem olurdu, lâkin ziyâde-i dünyâ noksân-ı âhireti mûcibdir.”
Sitemizde detaylı hızlı ve kolay arama ekranı