اَلزَّوَنَّكُ [ez-zevennek] (عَمَلَّسٌ [ʹamelles] vezninde) زَوَنْزَكٌ [zevenzek] maʹnâsınadır ki çalkanarak salını bulanı yürüyen bodura denir, ʹalâ-kavlin şol fuzûl kimseye denir ki mikdârından ziyâde hod-bînlik edip edâ ile iki tarafına bakınıp gûyâ ki kendi nefsini bir adam kıyâs eder ola, lâkin zâtında bir pula değmez ola; yukâlu: هُوَ زَوَنَّكٌ أَيْ زَوَنْزَكٌ أَيِ الْقَصِيرُ الْحَيَّاكُ فِي مِشْيَتِهِ كَمَا ذُكِرَ أَوْ هُوَ الرَّافِعُ نَفْسَهُ فَوْقَ قَدْرِهَا اَلنَّاظِرُ فِي عِطْفَيْهِ يَرَى أَنَّ عِنْدَهُ خَيْرًا وَلَيْسَ كَذَلِكَ Mütercim der ki işbu زَوَنْزَكٌ [zevenzek] ve زَوَنَّكٌ [zevennek] ümmehât-ı sâ΄irede kasîr-i demîm ile yaʹnî çirkîn, bed-endâm taslak bodur ile müfesserdir. Ve lafz-ı mezbûr Fârisîdir, hattâ Burhân’da “zevenzek” ve hadeng vezninde “zeveng” ve “zevenkel” hakîrü’l-cüsse kanbûr olan bodur ile müfesserdir, bi-ʹaynihi ʹArab ahz ve istiʹmâl eylemişler.
اَلزَّوَنَّكُ [ez-zevennek] (fethateynle ve nûn’un fethi ve teşdîdiyle) Kasîrü’l-kâme olup mezmûm olan kimse.
Sitemizde detaylı hızlı ve kolay arama ekranı