اَلطَّسْتُ [eṯ-ṯast] (ṯâ’nın fethi ve sîn’in sükûnuyla) Leğen taʹbîr olunan kaba denir ki içinde el ve nesne yıkanır. Bunun aslı طَسٌّ [ṯass] olmakla sîn-i sâniye ṯâ’ya kalb olunmuştur. Şârih der ki cemʹ ve tasgîrinde طِسَاسٌ [ṯisâs] ve طُسَيْسٌ [ṯuseys] denir ve bu Ṯayyi΄ kabîlesi lügatidir, lâkin müfredât-ı sâ΄irede teşt-i Fârisî muʹarrebi olmak üzere mersûmdur.
اَلطَّسْتُ [eṯ-ṯasṯ] Teşt dedikleri nesnedir, evânî kabilinden; Ṯayyi΄ lügati üzeredir ki lügat-ı meşhûre طَشٌّ [ṯaşş]tır, ihde’s-sîneyn tâ’ya kalb olunmuştur, sikalden ötürü. Kaçan ki cemʹ olunup yâhûd tasgîr olunsa sîn redd olunur, zîrâ ki bu dem sîn’in mâ-beyni elifle yâhûd yâ ile fasl olunur ki cemʹinde طِسَاسٌ [ṯisâs] ve tasgîrinde طُسَيْسٌ [ṯuseys] derler.
Sitemizde detaylı hızlı ve kolay arama ekranı