اَلْمَغْدَى [el-maġdâ] (mîm’in ve dâl’ın fethiyle) İsm-i mekândır, mü΄ennesi مَغْدَاةٌ [maġdât]tır; şol yere denir ki kavm ondan sabâh vaktinde rıhlet edeler, kezâlik vakt-i merkûmda rıhlet olunan yere denir, niteki مَرَاحٌ [merâḩ] ve مَرَاحَةٌ [merâḩat] bunun mukâbilidir. Bu münâsebetle mutlakan menşe΄ ve meṡîrde istiʹmâl olundular, baʹdehu bir veledin pederine müşâbehet-i kâmilesinde istiʹmâl eylediler, zîrâ peder evlâdın asl ve menşe΄i ve neseb ve ahlâk ve şemâ΄ilde bi’n-nisbe merciʹ ve meṡîridir. Ve bu cihetle mecâz bi-mertebeteyn olur; ve minhu yukâlu: مَا تَرَكَ فُلَانٌ مِنْ أَبِيهِ مَغْدًى وَمَغْدَاةً وَلَا مَرَاحَا وَمَرَاحَةً أَيْ شَبَهَا Yaʹnî gûyâ ki cümlesini ahz ve istîfâ eylemiştir.
Sitemizde detaylı hızlı ve kolay arama ekranı