بَنْجٌ [Benc] (كَنْجٌ [kenc] vezninde) Se-merḵand kazâsında bir karye adıdır. Ve bir nebât-ı maʹrûf ismidir ki müsbit ve muhaddirdir. Ve bu, haşîş-i harâfîşin yaʹnî ʹArabîde قِنَّبٌ [ḵinneb] ve Türkîde kenevir dedikleri nebâtın ki o dahi müskir ve muhaddirdir, gayrıdır. Nebât-ı mezbûr Türkîde ban ve tohumuna ban tohumu dedikleri nebât olacaktır; ʹakl ve idrâki ifsâd edip sersem ve şûrîde-dimâg eder, bengîlik dedikleri hâletin muhdisidir. Esrâr ve gonca ve gubâr ve haşîş ve varaku’l-hayâl ve tılâ-yı Ḵalenderiyye ve müdâme-i Ḩaydariyye gibi esâmîleri vardır. Evrâm-ı hârreden ʹârız evcâʹı müsekkin ve sübûr ve evcâʹ-ı üzüne nâfiʹdir. Ve bu üç nevʹ olur: ahbesi siyâh, baʹdehu kırmızı olanıdır, eslemi beyâz nevʹidir. Ḵânûnü’l-edeb sâhibinin beyânına göre beş yüz elli târîhlerinde ʹArabda Şeyh Ḩaydar nâm kimse işâʹat eyledi diye Maḵrîzî beyân eder. İṡâbe’de Beyzerṯan nâm Hindî, zamân-ı Kisrâ’da o diyârda îcâd eyledi, sonra bilâd-ı İslâm’a gelip bu sebebden Yemen taraflarında şöhret buldu demiştir.
Sitemizde detaylı hızlı ve kolay arama ekranı