بَيْنَ بَيْنَ [beyne beyne] (mükerreren nûn’ların feth üzere binâlarıyla) İyi ile kötü arasında miyâne olan nesne demektir; yukâlu: هَذَا الشَّيْءُ بَيْنَ بَيْنَ أَيْ بَيْنَ الْجَيِّدِ وَالرَّدِيءِ Bunlar iki ism olup baʹdehu ism-i vâhid kılınıp ve âhirleri feth üzere mebnî oldu. Ve hemze-i بَيْنَ بَيْنَ dedikleri hemze-i muhaffefe olacaktır, yaʹnî hemzenin harekesine muvâfık ve mülâyim olan harf-i ʹillet beyninde kılınmıştır. Meselâ eger hemze meftûh ise hemze ile elif beyninde telaffuz olunur, سَأَلَ gibi ve eger meksûr ise hemze ile yâ΄ beyninde olur سَئِمَ gibi ve eger mazmûm ise hemze ile vâv miyânında olur, لَؤُمَ gibi. Şârih der ki hemze-i بَيْنَ بَيْنَ katʹâ ibtidâda vâkiʹ olmaz, zîrâ sâkin gibi zaʹîftir ve zaʹfından nâşî بَيْنَ بَيْنَ ıtlâk olundu.
Sitemizde detaylı hızlı ve kolay arama ekranı