Kamus-ı Muhit - الجرفة maddesi

اَلْجِرْفَةُ [el-cirfet] (cîm’in kesriyle) Uzun uzadı yol gibi kumsala denir. Ve ekmek kırığına denir.

اَلْجُرْفَةُ [el-curfet] (غُرْفَةٌ [ġurfet] vezninde) جَرْفَةٌ [cerfet] ʹalâmetine denir ki zikr olundu. Ve

جُرْفَةُ [Curfet] Yemâme’de bir su adıdır. Ve devenin uyluğundan bir mikdâr derisini soyup uyluğu üzere yıkmakla ʹalâmet olur.

اَلْجَرْفُ [el-cerf] (cîm’in fethiyle) ve

اَلْجَرْفَةُ [el-cerfet] (hâ’yla) Bir nesnenin mecmûʹunu süpürüp götürmek, ʹalâ-kavlin bir nesneden çoğunu almak maʹnâsınadır; yukâlu: جَرَفَهُ جَرْفًا وَجَرْفَةً مِنَ الْبَابِ اْلأَوَّلِ إِذَا ذَهَبَ بِهِ أَوْ أَخَذَهُ أَخْذًا كَثِيرًا Ve çamur ve kar makûlesini sıyırıp kürümek maʹnâsınadır; yukâlu: جَرَفَ الطِّينَ إِذَا كَسَحَهُ Ve

جَرْفٌ [cerf] Sâmit ve nâtık mâla ıtlâk olunur; yukâlu: لَهُ جَرْفٌ لاَ يَفِي بِحِسَابِهِ حَرْفٌ وَهُوَ الْمَالُ مِنَ الصَّامِتِ وَالنَّاطِقِ Ve ucuzluk, bolluk, hısb ve rehâ maʹnâsınadır. Ve birbirine sarmaşmış otluğa ve çayırlığa denir. Ve حَمَاطٌ [ḩamâṯ] dedikleri incirin kurusuna denir, ʹalâ-kavlin أَفَانَى [efânâ] dedikleri nebâtın kurusuna denir. Ve أُفَانَى [efânâ] سَكَارَى [sekârâ] veznindedir. Ve

جَرْفٌ [cerf] Levni yâhûd endâmı muhtelif alaca nesneye denir; yukâlu: عُودٌ جَرْفٌ وَقِدْحٌ جَرْفٌ أَيْ مُخْتَلِفٌ

Vankulu Lugatı - الجرفة maddesi

اَلْجِرَفَةُ [el-cirefet] (cîm’in kesri ve râ’nın fethiyle) Cemʹi, sel biçikleri maʹnâsına, جُحْرٌ [cuḩr] ile جِحَرَةٌ [ciḩaret] gibi. Ve جُحْرٌ [cuḩr] haşerât yuvasına derler.