اَلْعَاصِي [el-ʹâṡî] Kesildikte kanı durmaz olan damara denir. Şârih der ki bu mâdde ve nehr-i âtî عِصْيَانٌ [ʹiṡyân] mâddesine müteʹallik olmakla mü΄ellif taḣlîl eylemiştir. Ve
عَاصِي [ʹÂṡî] Nehr-i Ḩamât lakabıdır ki hâlen ʹÂṡî Suyu demekle müteʹâreftir, ismi مِيمَاسٌ [Mîmâs]tır ve maklûbdur ki cemîʹ-i enhâr kıble tarafına cârî ve nehr-i mezbûr şimâl tarafına cârî olup ve bir mahalde dolapsız saky-ı arâzî eylemediğinden gûyâ ki ʹisyân eder olmakla عَاصِي [ʹâṡî] ile mülakkab oldu.
اَلْعَصِيُّ [el-ʹaṡiyy] (ʹayn’ın fethi ve ṡâd’ın kesri ve yâ’nın teşdîdiyle) Bi-manâhu. Ve
عَاصِي [ʹâṡî] Şol damara dahi derler ki kanı durmaya. Ve bu dahi ʹâsî-i mezkûr gibi yâ΄îdir.
Sitemizde detaylı hızlı ve kolay arama ekranı