Kamus-ı Muhit - عزازة maddesi

عِزَّانُ [ʹİzzân] (ʹayn’ın kesriyle) ve

أَعَزُّ [Eʹazz] (fethateynle) ve

عَزَازَةُ [ʹAzâzet] (سَحَابَةٌ [seḩâbet] vezninde) ve

عَزُّونُ [ʹAzzûn] (حَمْدُونٌ [ḩamdûn] vezninde) ve

عَزِيزٌ [ʹAzîz] (أَمِيرٌ [emîr] vezninde) ve

عُزَيْزٌ [ʹUzeyz] (زُبَيْرٌ [zubeyr] vezninde) Esâmî-i ricâldendir: Eʹazz b. ʹÖmer b. Muḩammed es-Suhreverdî ve Eʹazz b. ʹAlî eż-Żuheyrî ve Eʹazz b. el-ʹUllayḵ ve Ebu’l-Eʹazz Karatekin muhaddislerdir.

Vankulu Lugatı - عزازة maddesi

اَلْعِزَّةُ [el-ʹizzet] (ʹayn’ın kesriyle) ve

اَلْعَزَازَةُ [el-ʹazâzet] (ʹayn’ın fethiyle) Zikr olunan gibidir nâdir olmak maʹnâsında ve izzet bulmak maʹnâsına da gelir; yukâlu: عَزَّ يَعِزُّ عِزَّةً وَعَزَازَةً مِنَ الْبَابِ الثَّانِي Ve bâb-ı evvelden galebe etmek maʹnâsına da gelir; yukâlu: عَزَّهُ يَعِزُّهُ Ve fi’l-meseli: “مَنْ عَزَّ بَزَّ” أَيْ مَنْ غَلَبَ سَلَبَ وَالْإِسْمُ الْعِزَّةُ أَيِ الْقُوَّةُ Katı gelmeğe dahi derler; yukâlu: عَزَّ عَلَيَّ أَنْ يَفْعَلَ كَذَا Ve vâcib olmağa da derler; yukâlu: عَزَّ عَلَيَّ ذَلِكَ أَيْ حَقَّ Ve fi’l-meseli: “إِذَا عَزَّ أَخُوكَ فَهُنْ” Yaʹnî kaçan yoldaşın sertlik eylese sen mülâyemet et. Ve

عَزَازَةٌ [ʹazâzet] Berk yere dahi derler, أَرْضٌ صُلْبَةٌ maʹnâsına. Ve

عِزَّةٌ [ʹizzet] Keremde gâlib olmak maʹnâsına da gelir; yukâlu: عَزَزْتُ عَلَيْهِ أَيْ كَرُمْتُ عَلَيْهِ ve kavluhu taʹâlâ: ﴿فَعَزَّزْنَا بِثَالِثٍ﴾ (يس 14) يُخَفَّفُ وَيُشَدَّدُ أَيْ قَوَّيْنَا وَشَدَّدْنَا