اَلْغَابَةُ [el-ġâbet] (طَابَةٌ [ṯâbet] vezninde) Çukur ve obruk ve ısık yere denir, وَهْدَةٌ [vehdet] maʹnâsına mahall-i غَيْبٌ [ġayb] olduğu için. Ve cemâʹat-i insânîye ıtlâk olunur. Ve bunların aslları غَيَبَةٌ [ġayebet] ile mukadderdir fetehâtla. Ve uzun mızrağa, ʹalâ-kavlin kargısı hayzurân gibi latîf ve nâzük olmakla rüzgâr dokundukça meyelân ve ıztırâb üzere olanına ıtlâk olunur. Esâs’ın beyânına göre غَابَةٌ [ġâbet] rimâh-ı kesîreye ıtlâk olunur ki şecere-i mülteffeye teşbîh olunmuştur; tekûlu: أَتَوْنَا فِي غَابَةٍ أَيْ فِي رِمَاحٍ كَثِيرَةٍ كَالشَّجَرَةِ الْمُلْتَفَّةِ Ve
غَابَةٌ [ġâbet] Bük taʹbîr olunan sıkı ormana ıtlâk olunur, ekserî arslan yatağı olur. ʹArablar yavuz arslanı غَابَةٌ [ġâbet]e muzâf edip لَيْثُ غَابَةٍ derler, onda neş΄et eden arslanlar çöl arslanlarından tünd ve şedîd olduğu için; yukâlu: كَأَنَّهُ لَيْثُ غَابَةٍ وَلُيُوثُ غَابٍ أَيْ أَجَمَةٌ Ve
غَابَةُ [Ġâbet] Ḩicâz’da bir mevziʹ adıdır.
اَلْغَابُ [el-ġâb] غَابَةٌ [ġâbet]in cemʹi. Bu yâ΄îdir, vâvî değildir. Ve
غَابَةُ [Ġâbet] Bir mevziʹin ismidir, Ḩicâz’da.
Sitemizde detaylı hızlı ve kolay arama ekranı