لِزَاقُ الذَّهَبِ [lizâḵu’ž-žeheb] (كِتَابُ الْعَرَبِ [kitâbu’l-ʹarab] vezninde) أُشَّقٌ [uşşaḵ] ismidir ki çadır uşağı dedikleri nebâttır. Ve bir nevʹ devâyî dârû adıdır ki pırasa levninde olur, Ermen bilâdından celb ederler. Ve başka bir dârû adıdır ki bevl-i sıbyândan ittihâz olunur, yaʹnî bülûga karîb gılmânın bevlini bakır zarf içre bûre-i Ermenî ile güneş karşısında gılzat peydâ edince niçe müddet sahk ederler, cirâhât-ı habîseye pek nâfiʹdir. Mü΄ellif bunları tefrîkle başkaca nesne ʹadd eylemiştir, lâkin müfredâtın beyânına göre لِزَاقُ الذَّهَبِ [lizâḵu’ž-žeheb] bûre-i Ermenî nevʹinden olan tengârın bir nevʹi olacaktır ki لِحَامُ الذَّهَبِ [liḩâmu’ž-žeheb] dahi derler, maʹdenî ve masnûʹî olur, idhâli altının serîʹan zevbine bâʹis olur. İntehâ.
Sitemizde detaylı hızlı ve kolay arama ekranı