اَلْمِيقَاتُ [el-mîḵât] (mîm’in kesriyle) Bu dahi وَقْتٌ [vaḵt] maʹnâsınadır ki murâd ʹamel-i mahsûs için taʹyîn olunan vakttir. Kâle er-Râġıb: اَلْمِيقَاتُ اَلْوَقْتُ الْمَضْرُوبُ لِلشَّيْءِ وَالْوَعْدُ الَّذِي جُعِلَ لَهُ وَقْتٌ قَدْ يُقَالُ لِلْمَكَانِ الَّذِي يُجْعَلُ وَقْتًا لِلشَّيْءِ Pes mekân-ı mevkûta ıtlâkı ittisâʹa mebnî olur. Ve مِيقَاتٌ [mîḵât]ın aslı مِوْقَاتٌ [mivḵât] idi. Ve
مِيقَاتٌ [mîḵât] İsm-i zamân olur, vakt-i mevʹid maʹnâsına. Ve mikdâriyyet ʹalâkasıyla ism-i mekân olarak istiʹmâl olunur, مِيقَاتُ الْحَجِّ bu maʹnâdandır ki huccâcın ihrâm kuşandıkları mahalden ʹibârettir. Ehl-i Medîne, Žu’l-Ḩuleyfe’den ve ehl-i ʹIrâḵ, Žâtu ʹİrḵ ve ehl-i Şâm, Cuḩfe ve ehl-i Necd, Ḵarn ve ehl-i Yemen, Yelemlem nâm mevziʹden ve bahrîler Râbiġ’den ihrâm-bend olurlar.
Sitemizde detaylı hızlı ve kolay arama ekranı