nâtiḵ ~ نَاتِقُ

Kamus-ı Muhit - ناتق maddesi

اَلنَّاتِقُ [en-nâtiḵ] ve

اَلْمِنْتَاقُ [el-mintâḵ] Evlâdı kesîr olan hatuna denir. Ve

نَاتِقٌ [nâtiḵ] فَاتِقٌ [fâtiḵ] maʹnâsınadır ki bir nesneyi şakk eden kimseye denir. Ve رَافِعٌ [râfiʹ] maʹnâsınadır ki bir nesneyi yukarı kaldırıcı demektir; yukâlu: هُوَ نَاتِقٌ لَهُ أَيْ رَافِعٌ Ve bir nesneyi döşeyip bast ediciye denir; yukâlu: هُوَ نَاتِقُهُ أَيْ بَاسِطُهُ Şârih der ki masdarları olan نَتْقٌ [netḵ] şakk ve refʹ ve bast maʹnâlarınadır. Ve çabuk tutuşan çakmağa denir; yukâlu: زَنْدٌ نَاتِقٌ أَيْ وَارٍ Ve tîz gebe olan nâkaya denir; yukâlu: نَاقَةٌ نَاتِقٌ أَيْ سَرِيعُ الْحَمْلِ Ve şol ata denir ki düz ve râhat yürümeyip râkibini silkip ırgalar ola; yukâlu: فَرَسٌ نَاتِقٌ إِذَا كَانَ يَنْفَضُ رَاكِبَهُ Ve

نَاتِقُ [nâtiḵ] (Harf-i taʹrîfsiz) Ramazan ayının ʹalemidir, sâ΄imi silkip sarstığı için.

Vankulu Lugatı - ناتق maddesi

اَلنَّاتِقُ [en-nâtiḵ] (tâ’nın kesriyle) Şol attır ki üzerinde olan kimseyi yürürken silke. Ve

نَاتِقٌ [nâtiḵ] Evlâdı çok olan ʹavret. Ve

نَاتِقٌ [nâtiḵ] Şol nâkaya derler ki tîz hâmile ola; yukâlu: نَاقَةٌ نَاتِقٌ إِذَا أَسْرَعَتِ الْحَمْلَ Ve

نَاتِقٌ [nâtiḵ] Tîz tutuşan çakmağa dahi derler; yukâlu: زَنْدٌ نَاتِقٌ أَيْ وَارٍ Ve وَرْيٌ [very] çakmağın od tutmasına derler.

Sıradaki Maddeler

Arama ekranı

Sitemizde detaylı hızlı ve kolay arama ekranı