نُعَيْمَانٌ [Nuʹaymân] (musaggar bünyesiyle) Esâmîdendir: Nuʹâymân b. ʹAmr ashâb-ı Bedr’dendir; pek mezzâḩ ve latîfeci hoş-tabʹ olmakla Mefhar-ı enâm ʹaleyhi’s-selâm hazretlerini ekserî hende-nâk ederler idi. Ez-cümle bir gün emîr-i ʹasker Ebû Bekr radıyallâhu ʹanhu hazretleriyle bir gazâya bi’l-maʹiyye ʹâzim olup esnâ-i râhta ashâbdan Suveybiṯ b. Ḩarmele’yi memlûkumdur diyerek bir takrîb ile bir aʹrâbîye on mihâr genç dişi deveye beyʹ ve teslîm eyledi. Hazret-i Ebû Bekr istimâʹ eyledikte develeri yedinden ahz ve aʹrâbîye redd ile Suveybiṯ’i tahlîs eyledi. Fahr-i ʹâlem aleyhi’s-selâm hazretleri ve sâ΄ir ashâb-ı kirâm bu kıssadan vâfir zamân hande eylediler.
Sitemizde detaylı hızlı ve kolay arama ekranı