اَلنِّظَامُ [en-niżâm] (كِتَابٌ [kitâb] vezninde) نَظْمٌ [nażm] gibi masdardır, dizmek maʹnâsınadır; yukâlu: نَظَمَ اللُّؤْلُؤَ نَظْمًا وَنِظَامَا إِذَا أَلَّفَهُ وَجَمَعَهُ فِي نَظْمٍ Ve
نِظَامٌ [niżâm] Diziye ıtlâk olunur, inci dizisi ve tesbîh dizisi gibi; cemʹi نُظُمٌ [nużum] gelir, كُتُبٌ [kutub] vezninde. Ve bir işin sebât ve kıyâmına medâr ve sebeb olan nesneye ve hâlete ıtlâk olunur; cemʹi أَنْظِمَةٌ [enżimet] gelir ve أَنَاظِيمُ [enâżîm] gelir; yukâlu: هُوَ نِظَامُ أَمْرِهِ أَيْ مِلَاكُهُ Ve sîret ve hedy ve tarîkat maʹnâsına müstaʹmeldir. Ve de΄b ve ʹâdet maʹnâsına müstaʹmeldir. Ve
نِظَامَا السَّمَكَةِ [niżâma’s-semeket] أُنْظُومَتَانِ [unżûmetân] maʹnâsınadır, ke-mâ se-yuzkeru. Ve
نِظَامٌ [niżâm] Dertop münʹakid olan kumluğa denir.
Sitemizde detaylı hızlı ve kolay arama ekranı