وَادِي السِّبَاعِ [Vâdi’s-Sibâʹ] Raḵḵa yolunda bir mevziʹdir. Meşâhîr-i ʹArabdan Vâ΄il b. Ḵâsiṯ hasbe’t-tarîk oradan giderken Esmâ΄ bint Dureym nâm hatunun çadırına uğrayıp zâtında raʹnâ ve o esnâda tek ü tenhâ olmakla visâline kasd eylemek sadedinde oldukta mezbûre imtinâʹ eyleyip “Eğer benden keff-i yed eylemez isen esbuʹumu yaʹnî yırtıcı cânverlerimi çağırırım!” dedi. Vâ΄il: “Ey nigâr, burada senden gayrı bir kimse görünmüyor, cânverlerin kandadır?” dedikte hemân Esmâ΄ âvâz-ı bülend ile يَا كَلْبُ يَا ذِئْبُ يَا فَهْدُ يَا دُبُّ يَا سِرْحَانُ يَا أَسَدُ يَا ضَبُعُ يَا نَمِرُ diye nidâ eyledi. Meğer bunlar mezbûrenin oğullarının ismi olmakla hemân taraf taraf dal tîg sürʹatle zuhûr edip geldiler. Vâ΄il bu keyfiyyeti gördükte “مَا أَدْرِي هَذَا إِلاَّ وَادِيَ السِّبَاعِ” demekle min-baʹd oraya Vâdi’s-Sibâʹ ıtlâk olundu.
Sitemizde detaylı hızlı ve kolay arama ekranı