وَبَرٌ [Veber] (fetehâtla ve bâ’nın sükûnuyla zebân-zeddir) İbn Ebî Duleyle ki İmâm Buḣârî şeyhidir.
اَلْوَبْرُ [el-vebr] (صَبْرٌ [ṡabr] vezninde) Berd-i ʹacûz günlerinden bir günün ismidir. Ve kediye şebîh bir cânver isimdir, Türkîde ak tavşan ve ada tavşanı taʹbîr olunur. Mü΄ennesindeوَبْرَةٌ [vebret] denir. Cemʹi وُبُورٌ [vubûr] gelir vâv’ın zammıyla ve وِبَارٌ [vibâr] ve وِبَارَةٌ [vibâret] gelir vâv’ların kesriyle. Ve
وَبْرٌ [vebr] Masdar olur, bir yerde ikâmet eylemek maʹnâsına; yukâlu: وَبَرَ الرَّجُلُ يَبِرُ وَبَرًا كَوَعَدَ يَعِدُ وَعْدًا إِذَا أَقَامَ
اَلْوَبَرُ [el-veber] (fethateynle) Deve yünü, peşm-i şütür maʹnâsına. Ve
وَبَرٌ [veber] Deve tüylenmek maʹnâsına da gelir; yukâlu: وَبِرَ الْبَعِيرُ وَبَرًا مِنَ الْبَابِ الرَّابِعِ
اَلْوِبَارُ [el-vibâr] (vâv’ın kesriyle) Kezâlik cemʹi. Ve bununla ricâlden baʹzı kimse tesmiye olunmuştur. Ve
وَبْرٌ [vebr] Berd-i ʹacûz günlerinden bir günün ismidir.
Sitemizde detaylı hızlı ve kolay arama ekranı