اَلْحَضَضُ [el-ḩaḋaḋ] (fethateynle) Nesne maʹnâsınadır; yukâlu: مَا عِنْدَهُ حَضَضٌ وَلاَ بَضَضٌ أَيْ شَيْءٌ Ve bu nefy makâmına mahsûstur.
اَلْحُضَضُ [el-ḩuḋaḋ] (زُفَرُ [zufer] vezninde) ve
اَلْحُضُضُ [el-ḩuḋuḋ] (عُنُقٌ [ʹunuḵ] vezninde) Edviyeden bir dârû ismidir ki iki nevʹ olur, birine حُضُضٌ عَرَبِيٌّ [ḩuḋuḋ ʹarabiyy] ve birine حُضُضٌ هِنْدِيٌّ [ḩuḋuḋ hindiyy] derler. حُضُضٌ عَرَبِيٌّ [ḩuḋuḋ ʹarabiyy] خَوْلاَنٌ [ḣavlân] nâm nebâtın ʹusâresidir ve حُضُضٌ هِنْدِيٌّ [ḩuḋuḋ hindiyy] فِيلَزَهْرَجٌ [fîlezehrec] dedikleri nebâtın ʹusâresidir. İki nevʹi de evrâm-ı rihve ve havvâreye ve eski yaralara ve nüffâhât ve remed ve cüzâm ve bâsûr ʹilletlerine ve haşerât soktuğu yerlere ve gargarası hunâkın envâʹına nâfiʹ ve tılâsı ve küll-i yevm nısf-ı miskâl su ile şürbü kelb-i dîvâne ısırmasına müfîd ve saç ve sakalı müksirdir. Ve
حُضُضٌ [ḩuḋuḋ] Başka bir nebât adıdır. Ve bir devâ adıdır ki deve bevlinden tertîb ederler.
اَلْحُضُضُ [el-ḩuḋuḋ] (ḩâ’nın zammı ve ḋâd-ı evvelin zammı ve fethiyle) Edviyeden bir zamktır ki صَبِرٌ [ṡabir] gibi acıdır.
Sitemizde detaylı hızlı ve kolay arama ekranı