اَلْوِسَادُ [el-visâd] (كِتَابٌ [kitâb] vezninde) Mutlakan söykenecek ve yastanacak nesneye denir, مُتَّكَأٌ [mutteke΄] maʹnâsına Ve
وِسَادٌ [visâd] ve
وِسَادَةٌ [visâdet] (hâ’yla ve vâv’ın harekât-ı selâsıyla) Hâssaten baş yastığına denir, مِخَدَّةٌ [miḣaddet] maʹnâsına. Asl مِخَدَّةٌ [miḣaddet] yüz yastığına denir ki خَدٌّ [ḣadd] vazʹ olunur, baʹdehu mutlakan baş vazʹ olunup yattıkları yastığa ıtlâk olundu. وِسَادٌ [visâd] ve وِسَادَةٌ [visâdet]in cemʹi وُسُدٌ [vusud] gelir zammeteynle ve وَسَائِدُ [vesâ΄id] gelir. Ve ʹArablar وِسَادَةٌ [visâdet] ile nevmden ve عَرِيضُ الْوِسَادَةِ [ʹarîḋu’l-visâdet] ile kesret-i nevmden kinâye ederler ki batâlet ve kehâlet lâzımesidir ve minhu’l-hadîsu: “إِنَّ وِسَادَكَ لَعَرِيضٌ” كِنَايَةٌ عَنْ كَثْرَةِ النَّوْمِ لِأَنَّ مَنْ عَرُضَ وِسَادُهُ طَالَ نَوْمُهُ أَوْ كِنَايَةٌ عَنْ عِرَضِ قَفَاهُ وَعِظَمِ رَأْسِهِ وَذَلِكَ دَلِيلُ الْغَبَاوَةِ Zîrâ ʹArablar gabî ve belîd adama عَرِيضُ الْقَفَا [ʹarîḋu’l-ḵafâ] kezâlik عَظِيمُ الرَّأْسِ [ʹażîmu’r-re΄s] ıtlâk ederler. Ve kıyâfet-nâmede dahi bu resme mevsûftur.
Sitemizde detaylı hızlı ve kolay arama ekranı