اَلْخِبَابُ [el-ḣibâb] (كِتَابٌ [kitâb] vezninde) Bu dahi deryâ cûşa gelip fırtına olmak maʹnâsınadır; yukâlu: خَبَّ الْبَحْرُ خِبًّا وَخِبَابًا اِذَا هَاجَ وَاضْطَرَبَ
اَلْخَبَّابُ [el-Ḣabbâb] (شَدَّادٌ [şeddâd] vezninde) Mekke-i mükerreme’de bir haddâd ismidir, aʹlâ kılıçları alıp dakk ve tagyîr ile bir musannaʹ kılıç edip halka gûyâ kendisi iʹmâl eylemiş sûretinde ʹarz u ibrâz eder idi. Binâ΄enʹaleyh horozoğlu işi dedikleri gibi elsinede darb-ı mesel olmuştu. Hattâ Hazret-i ʹOšamp;mân ve Zubeyr aleyhime’r-rıdvân bir gün esnâ-yı muhâverede Zubeyr mutâyebe cihetiyle mukâzefe murâd eyledikte, Hazret-i ʹOšamp;mân “أَبِالْبَعَرِ ياَ اَبَا عَبْدَ اللهِ” diye feth-i bâb-ı mizâh eylemekle Zubeyr dahi “بَلْ بِضَرْبِ خَبَّابٍ ورِيشِ الْمُقْعَدِ” diye mukâbele eylediler, “بَلْ بِضَرْبِ خَبَّابٍ السَّيْفَ ورِيشِ الْمُقْعَدِ النَّبْلَ” takdîrindedir. مُقْعَدٌ [Muḵʹad] مُكْرَمٌ [mukrem] vezninde kezâlik bir kimse idi ki ok yeleği düzer idi. O dahi Ḣabbâb gibi bir yâdigâr olmakla yeleği mesel olup elsinede tayerân eder idi. Gûyâ ki “senin işin onların işleri gibidir” demeyi telmîh eylemiştir. Ve Ḣabbâb b. İbrâhîm ve ʹAbdurraḩmân b. Ḣabbâb ashâbdandır. Ve ʹAbdullâh ve Ṡâliḩ ve Hilâl ve Yûnus er-Râfiḋî ve Muḩammed evlâd-ı Ḣabbâbîn’dir ve Ebû Ḣabbâb el-Velîd b. Bukeyr ve Ṡâliḩ b. ʹAṯâ΄ b. Ḣabbâb muhaddislerdir.
Sitemizde detaylı hızlı ve kolay arama ekranı