اَلْخِرْبِقُ [el-ḣirbiḵ] (زِبْرِجٌ [zibric] vezninde) Su terazisine denir; yukâlu: أَجْرَى الْمَاءَ مِنَ الْخِرْبِقِ وَهُوَ مَصْعَدُ الْمَاءِ Ve bir havz-ı mahsûs ismidir.
اَلْخَرْبَقُ [el-ḣarbaḵ] (جَعْفَرٌ [caʹfer] vezninde) Bir nebâttır ki yaprağı لِسَانُ الْحَمَلِ [lisânu’l-ḩamel] yaʹnî sinirli yaprak varakına şebîh olur. Ve iki nevʹ olur: biri ebyaz ve biri esveddir. Bu nebât Türkîde çöpleme dedikleridir. Ebyaz nevʹine ak çöpleme ve nebâtına marulcuk ve kar çiçeği derler. Ve esved nevʹine kara çöpleme ve karaca ot derler. Ve kurt kısmını mühlik olmakla ʹArablar خَانِقُ الذِّئْبِ [ḣâniḵu’ž-ži΄b] ve قَاتِلُ الذِّئْبِ [ḵâtilu’ž-ži΄b] dahi derler. İki nevʹi de câlî yaʹnî mâdde ile sath-ı ʹuzvun beynine girip yapışmış ve kurumuş rutûbetleri müzîldir. Ve emrâz-ı bârideye nâfiʹ ve sarʹ ve cünûn ve evcâʹ-ı mefâsıl ve behak ve fâlic ʹilletlerine müfîd ve fuzûl-i leziceyi müshil ve mikdâr-ı şürbetinden ekserî teşennüc îrâsıyla kâtildir. Ve kilâb ve hanâzîri mühliktir. Ve cenb ve civârında bittiği asmanın üzümünden maʹmûl şarâb elbette müshil olur.
اَلْخَرْبَقُ [el-ḣarbaḵ] (ʹalâ-vezni جَعْفَر [caʹfer]) Edviyeden olan nebâtâttan bir nevʹdir ki yaprağı لِسَانُ الْحَمَلِ [lisânu’l-ḩamel] gibidir; ak olur, siyâh olur.
Sitemizde detaylı hızlı ve kolay arama ekranı