اَلْخِرِّيعُ [el-ḣirrîʹ] (سِكِّيتٌ [sikkît] vezninde) عُصْفُرٌ [ʹuṡfur] ismidir ki uspur dedikleri nebâttır, ʹalâ-kavlin قِرْطِمٌ [ḵirṯim] ismidir ki uspurun tohumudur.
اَلْخَرِعُ [el-ḣariʹ] (كَتِفٌ [ketif] vezninde) ve
اَلْخَرِيعُ [el-ḣarîʹ] (أَمِيرٌ [emîr] vezninde) Zaʹîf ve zebûn adama denir. Ve
خَرِعٌ [Ḣariʹ] ʹAmr b. ʹAbs nâm şâʹirin lakabıdır ki ʹAvf b. ʹAṯiyye’nin ceddidir. Ve
خَرِيعٌ [ḣarîʹ] Sarkık deve dudağına denir; yukâlu: لِلْبَعِيرِ مِشْفَرٌ خَرِيعٌ أَيْ مُتَدَلٍّ Ve خُرَاعٌ [ḣurâʹ] dedikleri ʹillete uğramış nâkaya denir; yukâlu: نَاقَةٌ خَرِيعٌ إِذَا كَانَ بِهِ خُرَاعٌ Ve rûspî ʹavrete denir; yukâlu: إِمْرَأَةٌ خَرِيعٌ أَيْ فَاجِرَةٌ Ve şol hatuna ve mahbûbeye deni ki ten ve endâmı be-gâyet nerm ve nâzük olmakla tâze nihâl gibi iki tarafa meyelân eder ola ve kılırıp bükülür olur; خَرِيعَةٌ [ḣarîʹat] dahi denir hâ’yla; yukâlu: إِمْرَأَةٌ خَرِيعٌ وَخَرِيعَةٌ إِذَا كَانَتْ تَتَثَنَّى لِينًا
اَلْخَرِيعُ [el-ḣarîʹ] (ḣâ’nın fethi ve râ’nın kesri ve meddiyle) Şol deve dudağıdır ki sarkmış ola. Ve
خَرِيعٌ [ḣarîʹ] Fâcire olan ʹavrete derler: Aṡmaʹî bu maʹnâya inkâr edip eyitti: خَرِيعٌ [ḣarîʹ] şol ʹavrettir ki yürürken mülâyemetinden o cânibe bu cânibe meyl ede.
Sitemizde detaylı hızlı ve kolay arama ekranı