اَلْخَفْشُ [el-ḣafş] (ḣâ’nın fethi ve fâ’nın sükûnuyla) Bir nesneyi bir kimseye atmak maʹnâsınadır; yukâlu: خَفَشَهُ بِهِ خَفْشًا مِنَ الْبَابِ اْلأَوَّلِ إِذَا رَمَى بِهِ
اَلْخَفَشُ [el-ḣafeş] (fethateynle) Halkî bir adamın gözü küçük ve basarı zaʹîf olmak, ʹalâ-kavlin ağrısız olarak göz kapakları fâsid olmak maʹnâsınadır; yukâlu: خَفِشَ الرَّجُلُ خَفَشًا مِنَ الْبَابِ الرَّابِعِ إِذَا صَغُرَ عَيْنُهُ وَضَعُفَ بَصَرُهُ خِلْقَةً أَوْ هُوَ فَسَادٌ فِي الْجُفُونِ بِلاَ وَجَعٍ Ve gece görüp gündüz göremez, kezâlik bulutlu günde görüp ayazlıkta göremez olmak maʹnâsınadır ki kemâl-i zaʹf-ı basardan kamaşır olur; yukâlu: فِي عَيْنِهِ خَفَشٌ أَيْ يُبْصِرُ بِاللَّيْلِ دُونَ النَّهَارِ وَفِي يَوْمِ غَيْمٍ دُونَ صَحْوٍ Ve devenin hörgücünün ön tarafı uzun ve söbü olmayarak küçük ve topak olmak maʹnâsınadır; yukâlu: خَفِشَ سَنَامُ الْبَعِيرِ إِذَا صَغُرَ مُقَدَّمُهُ وَانْضَمَّ بِلاَ طُولٍ Ve zaʹîf olmak maʹnâsına müstaʹmeldir; yukâlu: خَفِشَ الرَّجُلُ إِذَا ضَعُفَ
اَلْخَفَشُ [el-ḣafeş] (fethateynle) Göz küçük olup hılkatinde görmesi zaʹîf olmak.
Sitemizde detaylı hızlı ve kolay arama ekranı