اَلزُّغَبُ [ez-zuġab] (صُرَدٌ [ṡurad] vezninde) Aklı karalı alaca ipe denir.
اَلزَّغَبُ [ez-zeġab] (zây’ın ve ġayn-ı muʹcemenin fethiyle) Hurde ve yumuşak kıllara ve tüylere denir, insânın yüzünde ve kulağında olan tüyler gibi. Kezâlik kuşun yeleklerinde ve gövdesinde olan hurde ve yumuşak tüylere denir; ʹalâ-kavlin maʹsûmun ve yavrunun ibtidâ zuhûr eden sarı tüylerine denir ki maʹsûmda mûy-i mâder-zâd taʹbîr olunur. Ve pîr ve ihtiyâr adamın kıllarına zaʹf ve rikkat geldiği hengâmda başında kalan kıllara denir. Ve
زَغَبٌ [zeġab] Bu maʹnâlardan masdar olur, maʹsûm veyâhûd yavru yâhûd pîr adam o gûne sarı ve hurde tüylenmek maʹnâsına; yukâlu: زَغِبَ الصَّبِيُّ زَغَبًا مِنَ الْبَابِ الرَّابِعِ إِذَا نَبَتَ زَغَبُهُ ve yukâlu: زَغِبَ الْفَرْخُ إِذَا صَغُرَ رِيشُهُ Ve
زَغَبٌ [zeġab] Her nesnenin henüz tâze ve mutarrâ ve turfandasına denir; yukâlu: أَخَذَهُ بِزَغَبِهِ أَيْ بِحِدْثَانِهِ
اَلزُّغْبُ [ez-zuġb] (zâ’nın zammı ve ġayn’ın sükûnuyla) Sarı tüylü olan yavrular.
اَلزَّغَبُ [ez-zeġab] (fethateynle) Sarı tüylerdir ki yavrunun bilekleri üzere olur.
Sitemizde detaylı hızlı ve kolay arama ekranı