اَلزَّمْعَةُ [ez-zemʹat] (طَلْحَةُ [ṯalḩat] vezninde ve harekâtla zebân-zededir) Ümmü’l-mü΄minîn Sevde’nin ve birâderleri ʹAbd’ın ki ecille-i sahâbedendir, pederleri ismidir, radıyallâhu ʹanhumâ.
اَلزُّمْعَةُ [ez-zumʹat] (غُرْفَةٌ [ġurfet] vezninde) Otluk parçasına denir; yukâlu: أَرْضٌ فِيهَا زُمْعَةٌ مِنَ النَّبْتِ أَيْ قِطْعَةٌ
اَلزَّمَعَةُ [ez-zemeʹat] (fetehâtla) Şol hurde mühreye denir ki çatal tırnaklı hayvânın tırnaklarının enselerinde olur. ʹAlâ-kavlin koyun ve keçi tırnaklarına şebîh bir zâ΄id nesnedir ki bilekçelerinde olup her ayaklarında ikişer dâne olur, gûyâ ki boynuz parçasından halk olunmuş gibi. Ve ʹalâ-re΄yin koyunun ve âhûnun ve tavşanın ayaklarının enselerinde sarkan tüylere denir. Cemʹi زَمَعٌ [zemaʹ] ve cemʹu’l-cemʹi زِمَاعٌ [zimâʹ] gelir zây’ın kesriyle. Ve yüksekten olan su akıntısına denir, ʹalâ-kavlin شُعْبَةٌ [şuʹbet]ten dûn olan akıntıya denir. Ve شُعْبَةٌ [şuʹbet] تَلْعَةٌ [telʹat]tan dûn olur. Yâhûd زَمَعَةٌ [zemeʹat] seyl-i karîbi olmayan küçük yüksek akıntıya denir yâhûd oturaklı yere denir. Cemʹi أَزْمَاعٌ [ezmâʹ] gelir.
اَلزَّمَعَةُ [ez-zemeʹat] (kezâlik fethateynle) Şol nesnelerdir ki çatal tırnaklı olan hayvânların tırnağının üstü yanında olur, düğme gibi.
Sitemizde detaylı hızlı ve kolay arama ekranı