اَلسِّرْوُ [es-Sirv] (sîn’in kesriyle) Dimyâṯ kurbünde bir beldedir. Ve Belḣ kazâsında bir karyedir.
اَلسَّرْوُ [es-serv] (sîn’in fethi ve râ’nın sükûnuyla) Bu ismle maʹrûf şecer ismidir; müfredi سَرْوَةٌ [servet]tir. Mü΄ellif عَرْعَرٌ [ʹarʹar]ı bununla tefsîr eylemişti. Ve
سَرْوٌ [serv] Dağın kalın ve yumru yeriyle derenin mâ-beyni olan bayıra denir ki dağın böğrü olacaktır. Ve nebât içre olur bir gûne kurtçağıza denir. Ve Ḩimyer kabîlesinin karâr-gâhları olan yurdun adıdır. Ve bir niçe mevâziʹ ismidir ki ânifen سَرَاةٌ [Serât] ʹunvânıyla zikr olundu. Ve
سَرْوٌ [Serv] Esmâdandır: Muḩammed b. Serv ehâdîs-i mevzûʹa vazʹ eder bir şahs idi. Ve
سَرْوٌ [serv] Masdar olur, çekirge yumurtlamak maʹnâsınadır; yukâlu: سَرَتِ الْجَرَادَةُ تَسْرُو سَرْوًا إِذَا بَاضَتْ Ve bu mehmûz da lügattir. Ve bir nesneyi bir adam kendi üzerinden bertaraf edip atmak maʹnâsınadır, libâsını eğninden çıkarıp atmak gibi; yukâlu: سَرَا الثَّوْبَ عَنْهُ إِذَا أَلْقَاهُ Ve bir kimse şeref ve asâletle mürüvvet-mend olmak maʹnâsınadır. Ve bunda ism dahi olur, ke-mâ se-yuzkeru.
اَلسَّرْوُ [es-serv] (sîn’in fethi ve râ’nın sükûnuyla) Maʹrûf ağaçtır.
Sitemizde detaylı hızlı ve kolay arama ekranı