Kamus-ı Muhit - العرة maddesi

اَلْعَرَّةُ [el-ʹarret] (ʹayn’ın fethiyle) Cenkte olan sahtî ve şiddet hâletine denir; yukâlu: أَخَذَتْهُمْ عُرَّةُ الْحَرْبِ أَيْ شِدَّتُهَا Ve haslet-i kabîhaya denir.

اَلْعَرُّ [el-ʹarr] (ʹayn’ın fethi ve râ’nın teşdîdiyle) ve

اَلْعُرُّ [el-ʹurr] ve

اَلْعُرَّةُ [el-ʹurret] (ʹayn’ların zammıyla) Uyuz ʹilletine denir, جَرَبٌ [cereb] maʹnâsına. ʹAlâ-kavlin ʹayn’ın fethiyle uyuzluğa denir ve zammıyla bir gûne kurhaya denir ki deve köşeklerinin boyunlarında ʹârız olur. Ve bir nevʹ ʹillet ismidir ki deve kısmına mahsûstur; mübtelâ olan develerin uyuz gibi tüyleri kavlayıp dökülür; sâ΄ire sirâyet eylememek için o develere dâg vururlar. Ve

عَرٌّ [ʹarr] (ʹayn’ın fethiyle) Masdar olur, deve kısmı uyuz olmak, kezâlik ʹillet-i mezkûreye uğramak maʹnâlarına; yukâlu: عَرَّتِ الْإِبِلُ عَرًّا مِنَ الْبَابِ اْلأَوَّلِ وَالثَّانِي إِذَا جَرِبَتْ وَيُقَالُ عُرَّتِ الْإِبِلُ عَلَى الْمَجْهُولِ وَيُقَالُ عَرَّتِ الْإِبِلُ وَعُرَّتْ إِذَا أَصَابَهُ دَاءُ الْعُرَّةِ وَهِيَ دَاءٌ يَتَمَعَّطُ مِنْهُ وَبَرُ الْإِبِلِ وَهِيَ مَعْرُورَةٌ Ve

عَرٌّ [ʹarr] Bir adamı bî-huzûr ve magmûm eylemek maʹnâsına müstaʹmeldir; yukâlu: عَرَّ فُلاَنًا إِذَا سَاءَهُ Ve bir adama bir şerr ve kerîhe isnâdıyla âlûde kılmak maʹnâsına müstaʹmeldir; yukâlu: عَرَّهُ بِشَرٍّ إِذَا لَطَخَهُ بِهِ Ve bir adamdan min-gayr-i su΄âlin ihsân ümniyyesine gelmek maʹnâsınadır; yukâlu: عَرَّ فُلاَنًا إِذَا أَتَاهُ مُعْتَرًّا Ve bir adamı bir varta ve mekrûheye dûçâr etmek maʹnâsınadır; yukâlu: عَرَّ فُلاَنًا إِذَا أَصَابَهُ بِمَكْرُوهٍ Ve devenin hörgücü sagîr yâhûd kalîl yâhûd kesret-i ʹamelden yâ bir marazdan zâ΄il olmak maʹnâsınadır; yukâlu: عَرَّ سَنَامُ الْبَعِيرِ عَرًّا مِنَ الْبَابِ الرَّابِعِ إِذَا صَغُرَ أَوْ قَلَّ أَوْ ذَهَبَ Ve

عَرٌّ [ʹarr] عَرَارٌ [ʹarâr] gibi vaktinden mukaddem sütten kesilmiş velede denir, ke-mâ se-yuzkeru; bunda vasf olur.

Vankulu Lugatı - العرة maddesi

اَلْعُرَّةُ [el-ʹurret] (ʹayn’ın zammı ve râ’nın teşdîdiyle) Cünûn; yukâlu: بِهِ عُرَّةٌ وَهُوَ مَا اعْتَرَاهُ مِنَ الْجُنُونِ Ve

عُرَّةٌ [ʹurret] Deve necâsetine dahi derler, davar tersine ve vuhûş necisine dahi dedikleri gibi. Ve

عُرَّةٌ [ʹurret] Kuş necâset ilkâ etmeğe dahi derler; yukâlu: عَرَّ الطَّائِرُ يَعُرُّ عُرَّةً سَلَحَ Ve

عُرَّةٌ [ʹurret] Kezâlik necâsetli maʹnâsına da gelir.