اَلْفُرْجَةُ [el-furcet] (fâ’nın harekât-ı selâsıyla) Gam ve gussadan tefassî yaʹnî halâslığa denir. Miṡbâḩ’ın beyânına göre فُرْجَةٌ [furcet] fâ’nın zammıyla aralıkta olan açık mevziʹe denir, gerek iki ve gerek zîyâde nesnelerin aralıkları gibi. Ve فُرْجَةُ الْحَائِطِ [furcetu’l-ḩâ΄iṯ] ki duvarın binâsına ʹârız olan halel ve gediktir, kezâlik fâ’nın zammıyladır. Ve
فَرْجَةٌ [fercet] (fâ’nın fethiyle) Masdardır, medâ΄îye mahsûstur ki şiddetten kurtulmak maʹnâsınadır. Ve bunda zamm ile de lügattir. Ve Ezherî’den fâ’nın kesriyle فِرْجَةٌ [fircet] dahi menkûldür. Pes mü΄ellifin harekât-ı selâsıyla kavli müttefak olur. Hülâsa fâ’nın zammıyla hem ism ve hem masdar olur, كُدْرَةٌ [kudret] gibi. Ve fethi ve kesriyle masdarlardır, رَحْمَةٌ [raḩmet] ve نِشْدَةٌ [nişdet] gibi.
اَلْفَرْجَةُ [el-fercet] (fâ’nın fethiyle) Gamdan halâs bulmak.
اَلْفُرْجَةُ [el-furcet] (fâ’nın zammıyla) Duvarda ve duvar misillide olan delikler ve aralıklar. Ve gâh olur ki فُرْجَةٌ [furcet] mutlakan aralık maʹnâsına dahi gelir; yukâlu: بَيْنَهُمَا فُرْجَةٌ أَيِ انْفِرَاجٌ
Sitemizde detaylı hızlı ve kolay arama ekranı